Lumayo Ako pero Muling Magbabalik

Lumayo ako para sa mga pangarap ko at kinabukasan

Lumayo ako para makaahon sa kahirapan

Lumayo ako para kumita ng malaki para sa aking pamilya at sa bayan

Lumayo ako para ipakita sa lahat na kaya ko at kakayanin

Kaya kong magtiis at magtiyaga

Kaya kong magbanat ng buto

Kaya ko ang pangungulila at pagod

Kaya ko lahat ng pagsubok

Oo,mahirap man pero kakayanin ko

Oo,malungkot man ang mag isa pero titiisin ko

Oo,sobrang nakakapagod pero magtitiyaga ako

Oo,nakakapanghina minsan pero patuloy na lumalaban

At babalik akong taas noo

Babalik akong matatag

Babalik akong may ngiti sa mga labi

Babalik akong abot-kamay ang mga pangarap

Pangarap na magkabahay

Pangarap na magkanegosyo

Pangarap na magiging maayos ang lahat

Pangarap na hindi na muli pang maghihirap

Magtatagumpay ako

dahil determinado ako

Magtatagumpay ako dahil yan ang pangako ko

Magtatagumpay ako dahil may tiwala ako sa sarili ko

Magtatagumpay ako higit sa lahat dahil nanalig ako sa kanya,sa Diyos Amang nasa langit.

Sa kanya na may likha ng lahat

Sa kanya na sa akin ay nagbibigay ng lakas

Sa kanya kung saan ako ay nagmula

Sa kanya na di kailanman ako iniwan

Salamat ama sa pagpapala

Salamat nasa aking paglayo,ako'y iyong inalalayan.

Salamat at nandyan ka palagi sa kahit ng laban ko sa buhay

Salamat sa lahat-lahat ng biyaya at pagpapatnubay

Lumayo ako pero muling magbabalik

Muling magbabalik para sa aking pamilya

Muling magbabalik para sa aking mga kaibigan

At muling magbabalik para sa aking bayan